Çfarë tha Rama për shëndetësinë në “Opinion”?

Kryeministri Rama, premtoi me ardhjen në pushtet se do të kishte një rilindje në shëndetësi ashtu si edhe në fushat e tjera të shoqërisë. I gjendur në “Opinion” përballë një video ku një mjek kërkonte ndihmë për paciente që ishte në gjendje kome, Rama tha se nuk e kishte parë videon dhe as nuk i interesonte. Madje e cilësoi shëndetësinë shumë herë më mirë se dy vite më përpara. Ja çfarë tha Rama në “Opinion”: “Nuk ka shqiptarë që të besojë se në dy vite një ferr siç ishte shëndetësia shqiptare të kthehet në parajsë. Ka pasur, ka edhe do ketë video të tilla. Një gjë është e sigurtë. Shkoni në Qendrën Spitalore Universitare “Nënë Tereza”, pa kamera të fshehtë. Filmoni dhe krahasojeni me dy vite më përpara. Dhe kini parasysh që Shqipëria është ende në sallën e operacionit. Nje vend ku 2 vite më parë njerëzit rrinin te hekurat e spitalit, ulërinin me receta në duar se nuk kishte ilaçe, ndërsa sot situata është komplet ndryshe. Ka dy situata të ndryshme. Ata që shikojnë nga televizori dhe realisht atyre që shkojnë në spital.”