Aktualitet

Çfarë paralajmëron Rama për fëmijët që dëmtojnë librat e dhënë falas



Bëhu pjesë e Grupit Zyrtar të Opinion.al
>> KËTU <<
               Publikuar në : 19:30 - 11/09/22 |
Opi Nion

Kryeministri Edi Rama gjatë prezantimit të Abetares së përbashkët Kosovë-Shqipëri ka komentuar dhe kundërshitë e disa prindërve shqiptarë sa i përket përdorimit të libarve të përdorur nga fëmijët e tyre.

Për këtë, Rama tha se mosshpërndarja e librave të rinj nuk bëhet për çështje parash. Rama tha se synimi është edukimi i fëmijëve se libri është  pasuri dhe që duhet të ndahet me të tjerët. Ndërkohë, kreu i qeverisë bëri me dije se do të ketë saksione për fëmijët dhe prindërit që dëmtojnë librat.

“Kam ndjekur disa komente për librat që kalojë dorë më dorë, që jepen falas në vendin tonë, ka një cikël tre vjeçar dhe pretendimet janë që janë të përdorur dhe nuk janë të rinj… duhet kuptuar që kjo nuk është çështje parash, kjo është politike, që nuk e kemi shpikur dhe që e bëjnë vende shumë të pasura sesa ne… Synon dhe edukimin e fëmijëve se libri është pasuri që ndahet me të tjerët, që është një vlerë që nuk të përket vetëm ty… Libri duhet të jetojë edhe përtej kohës që të duhet ty për ta mësuar. Është e rëndësishme që këtë gjë ta shpjegojnë dhe mësuesit për fëmijët dhe mësuesit, dhe mbase duhet përcaktuar një rregull se ata që librat i dorëzojnë në gjendje që nuk mund të përdoren më, në vitin tjetër t’i blejnë librat, mos t’i marrin më falas. Nuk bëhet fjalë për shumicën, ata bëjnë gjënë e duhur, por për atë pakicë që nuk e bënë këtë duhet të ketë dhe një sanksion”, tha Rama./Opinion.al

 

Pas