Gjatë vizitës në shkollën “Fan Noli”, nga ku uroi mësuesit për 7 Marsin, Presidenti Ilir Meta u pyet nga gazetarët lidhur me kërkesën e ministrit të Jashtëm Ditmir Bushati për dhënien e autorizimit për nisjen e negociatave për ndarjen e kufirit detar me Greqinë.
Fillimisht Meta nuk iu përgjigj insistimit të gazetarëve, por në ndërhyrjen e dytë të tyre, Kreu i Shtetit shumë shkurt dha sinjalin se për të avancuar në këtë proces duhet pritur ende me durim.
“Nuk e di nëse zoti Bushati ka qenë te shkolla “Fan Noli”, por shkolla “Fan Noli” na ka mësuar gjithmonë që çdo gjë në kohën e duhur”, tha Meta.
