Partia Demokratike ka dorëzuar sot projektligjin për Reformën Territoriale.
Deputeti i PD, Oerd Bylykbashi, në një deklaratë për mediat tha se janë propozuar 97 bashki duke theksuar se kjo ndarje territoriale i jep hapësirën më të madhe komuniteteve lokale.
Më tej ai tha se reforma e 2014 ka provuar që është dështim lapidar dhe faktor shpopullimi.
“Të gjithë ne duhet të respektojmë interesin e komunitetit. Ndarja territoriale nuk mund të jetë interes i ngushtë politik, por themelor i demokracisë në Shqipëri. 61 bashki nuk janë vetëm të pamjaftueshme, por dështim. Asnjë gjë që lëviz dukshëm nga propozimi ynë nuk merr votën tonë. Unë gjykoj që të gjithë jemi të ndërgjegjshëm që i shërbejmë interesave të qytetarëve. Reforma e 2014 ka provuar se është dështim lapidar me kosto të madhe për zhvillimin e bashkive dhe komuniteteve, faktor i shpopullimit. Jemi përpjekur të marrim interesat më të mira. Të zgjedhurit të jenë pranë zgjedhësve, pushteti vendor të jetë efikas. Propozimi është që zgjedhjet e ardhshme të bëhen në bazën e kësaj ndarje me 97 bashki. Numri i bashkive që propozojmë është ai që i jep hapësirën më të madhe komuniteteve lokale. S’ka rëndësi çfarë mendon qeveria, por çfarë duan njerëzit atje poshtë ”, tha Bylykbashi.
