Ish-deputeti i Partisë Demokratike, Oerd Bylykbashi e ka vijuar debatin në distancë me kryeministrin Rama lidhur me deklaratën e këtij të fundit për një media italiane se ka qenë i ndaluar njëherë në Bolonja.
Bylykbashi ka publikuar të zbardhur intervistën e kryeministrit Rama ku shkruhet “Una volta mi arrestarono a Bologna”. Sipas Bylykbashit, Rama ose ka gënjyer median italiane ose në formularin e dekriminalizimit.
Më herët ish-deputeti i PD i kërkoi kryeministrit sqarime për deklaratën e tij pasi nëse ai ishte arrestuar dhe e kishte fshehur këtë gjë atëherë sipas Ligjit të Dekriminalizmit ai humb të gjitha funskionet publike.
Rama iu përgjigj kësaj akuze në mënyrë ironike duke shtuar se episodit të cilit ai i është referuar është një sherr me një polic në aeroport. /Opinion.al
