Aktualitet

Bushati: Zvoglimi i derës së BE duhet të na bëjë dyfish më të përgjegjshëm


               Publikuar në : 13:45 - 17/10/19 |
Al Do

Sot nis samiti dy ditor i BE-së ku do të vendoset për fatin e çeljes së negociatave për anëtarësim të Shqipërisë dhe Maqedonisë së Veriut. Lidhur me faktin nëse Bashkimi Europian do të ndajë dy shtetet në këtë proces, ish-ministri i Jashtëm, Ditmir Bushati ka deklaruar se liderët e unionit nuk e duan një gjë të tillë.

“Nuk do të ketë ndarje të Shqipërisë nga Maqedonia e Veriut, kjo është bërë e qartë nga Merkel dhe Makron. Mendoj se sa të fokusohemi te të tilla gjëra, ne si politikanë dhe vëmendja e medias ne si politikanë duhet të fokusohemi te zbatimi i atyre standardeve që krijojnë një realitet të prekshëm europian”, tha Bushati.

Sipas tij Shqipëria i ka bërë detyrat e saj lidhur me këtë proces dhe theksoi se një vendim negativ për hapjen e negociatave duhet ta bëjë dyfish më të përgjegjshme klasën politike.

Deputeti socialist shtoi: “Shqipëria i ka bërë detyrat e veta. Në rast se më pyesni a do të jetë ndonjëherë gati BE për të mirëpritur një vend në gjirin e saj, mund të them se BE kurrë nuk ka për të qenë aq gati dhe nga ana tjetër mund t’ju them se një vend nuk është kurrë 100% gati. Vakumet nuk janë asnjëherë të mira, as në politike e aq më tepër në gjeopolitikë. Për Shqipërinë nuk ka asnjë alternativë tjetër përveç anëtarësimit në BE. Ne nuk duhet të jemi emocional, por dyfish më të përgjegjshëm për të kuptuar se zvogëlimi i derës së BE, edhe për shkaqe që nuk kanë lidhje me ne, ne si politikanë duhet të na bëjë dyfish të përgjegjshëm” shtoi Bushati. /Opinion.al

Pas