Kronikë

Burg pa afat për vëllezërit Beqiraj, 1 nga të arrestuarit: E bëjnë për të përfituar azil



Bëhu pjesë e Grupit Zyrtar të Opinion.al
>> KËTU <<
               Publikuar në : 19:37 - 06/10/22 |
el ida

Gjykata e Durrësit ka lënë në burg pa afat vëllezërit Indrit dhe Gentian Beqiraj të arrestuar në Durrës në kuadër të operacionit ‘Porositësi’.

Ndërkohë Fatjon Hajdari i arrestuar gjithashtu gjatë këtij operacioni është lënë i lirë nga kjo gjykatë.

Sikurse bën me dije News 24 ai punon si mësues dhe pas lirimit nga gjykata është shprehur se në sallën e gjyqit, askush nuk e ka pranuar akuzën. Ai tha se dy vëllezërit Beqiraj që  pas arrestimit kanë zbardhur skemën e një grupi kriminal që vepronte edhe në fushën e shitblerjes së armëve, e kanë bërë gjithçka për të përfituar azil dhe për t’u larguar nga vendi.

 

“Asnjë nuk pranoi akuzën nga ato personat. Që thanë se i kena shit i kemi ble armët e kanë ngatërruar dynjanë. Këtë e bëjnë për të përfituar azil të ikin jashtë shtetit. Kanë bërë krimet e veta dhe tani kanë shtuar edhe këtë për shitje armësh, duan vetëm të ikin jashtë shtetit që t’i mbrojë shteti”, tha ai.

Hajdari mohoi të ketë lidhje apo njohje me vëllezërit Beqiraj, por pranon se vëllai i tij njihej me ta. ”Kanë bërë shpifje. Kanë kontrolluar banesat dhe kanë shpifur për vëllain. Kur erdhën tek banesa jonë më gjetën armë me leje. Përderisa sa i kanë armët me leje më liruan sot. Ato tjerët po i mbajtën sërish 45 ditë. Kanë shpifur dy persona, kanë armë me leje”, u shpreh ai.

Vëllezërit Beqiraj kanë zbërthyer mekanizmin e funksionimit të grupit kriminal, të cilët kishin krijuar bazë me armë dhe municione, duke gjetur edhe furnizuesit, ndërsa banesat me qira ishin vendbanime të përkohshme në zonat ku ata planifikonin të kryenin goditjet.

Në një prej dëshmive të tyre, vëllezërit thonë se kontakti i tyre kryesor ishte Kevin Zeneli, i konsideruar si krahu i djathtë i Kasandër Nogës, aktualisht i arrestuar në Belgjikë dhe porositës i disa vrasjeve./Opinion.al

 

Pas