Bumçi: Skandaloze, shefi kabinetit të Bushatit ushtar grek

TIRANE- Opozita në Komisionin e Jashtëm nuk ka lënë të kalojë në heshtje lajmin se Shefi i Kabinetit në Ministrinë e Punëve të Jashtme, Pirro Vengo, është thirrur ushtar nga Greqia. Aldo Bumçi iu drejtua numrit II të të MPJ, Selim Belortaja se “është skandaloz fakti se zyrtari juaj është ushtar grek. I gjithë materiali sekret diplomatik kalon nga Shefi i Kabinetit të MPJ i cili ka lidhje me Greqinë”. Belortaja i gjendur pak ngush u përpoq të thoshte se gjithçka po vertetohet dhe nuk dihet si ëshët e verteta. “E kam Pirron në shkallë dhe ai vetë po pyeste autoritet greke se nuk ishte i qartë”, tha Belortaja. Sakaq ndërhyri kryetarja e komisionit, Dade, duke thënë se Belortaja nuk është në komision për këtë çështje por për azilkërkuesit shqiptarë në Gjermani.