Aktualitet

Bullgari/Autobusi maqedonas merr flakë,të paktën 45 të vdekur, mes tyre 12 fëmijë


Bëhu pjesë e Grupit Zyrtar të Opinion.al
>> KËTU <<
               Publikuar në : 08:11 - 23/11/21 |
Opi Nion

Të paktën 45 persona kanë vdekur, mes tyre 12 fëmijë  pasi një autobus u përplas dhe mori flakë në Bullgarinë perëndimore, thonë zyrtarët.

Ngjarja ndodhi në një autostradë rreth orës 02:00 me orën lokale (00:00 GMT) pranë fshatit Bosnek, në jug-perëndim të kryeqytetit Sofje.

Autobusi raportohet se ishte i Maqedonisë së Veriut dhe kryesisht transportonte pasagjerë nga ai vend. Shkaku i përplasjes dhe zjarrit po hetohet.

Zyrtarët thanë se automjeti dukej se kishte goditur një pengesë autostrade  para se të merrte flakë.

Shtatë persona me djegie u dërguan në spitalin e Sofjes. Kryeministri i përkohshëm i Bullgarisë Stefan Yanev, e përshkroi incidentin si “një tragjedi të madhe”.

“Le të shpresojmë se do të nxjerrim mësime nga ky incident tragjik dhe të parandalojmë incidente të tilla në të ardhmen,” u tha ai gazetarëve teksa vizitoi vendin e aksidentit./Opinion.al

Pas