Hakerat rusë kishin planifikuar të sulmonin Lojërat Olimpike të këtij viti në Tokio me qëllim për t’i prishur ato, sipas zyrtarëve të inteligjencë inteligjencës në Mbretërinë e Bashkuar.
Zyra e Jashtme tha se inteligjenca ushtarake ruse, GRU, kryente “zbulim kibernetik” kundër zyrtarëve dhe organizatave të përfshira.
Sulmet e pretenduara ndodhën përpara se Lojërat të shtyheshin deri në 2021 për shkak të pandemisë së koronavirusit.
Sidoqoftë, zyrtarët nuk specifikuan natyrën ose shkallën e sulmeve kibernetike në detaje.
Në të njëjtën kohë, Departamenti i Drejtësisë i SHBA njoftoi akuza kundër gjashtë oficerëve rusë të GRU për sulme të dyshuara kibernetike që i shërbejnë “përfitimit strategjik të Rusisë”.
Grupi u përpoq të prishë Lojërat Olimpike Dimërore 2018, zgjedhjet presidenciale Franceze 2017 dhe rrjetin e energjisë të Ukrainës, thanë prokurorët e SHBA
“Asnjë vend nuk i ka armatosur aftësitë e tij kibernetike me aq keqdashje ose papërgjegjësi sa Rusia”, tha ndihmësi i Prokurorit të Përgjithshëm Xhon Dimërs në një konferencë për shtyp, duke e quajtur atë “seria më përçarëse dhe shkatërruese e sulmeve kompjuterike që i janë dhënë ndonjëherë një grupi të vetëm”. /Opinion.al
