Bota

Britania do japë certifikata imuniteti për t’i shpëtuar distancimit social


Bëhu pjesë e Grupit Zyrtar të Opinion.al
>> KËTU <<
               Publikuar në : 16:54 - 22/05/20 |
el ida

Autoritetet në Britaninë e Madhe, po mendojnë të japin certifikatë imuniteti për të gjithë ata që e kanë mundur koronavirusin, duke iu mundësuar kështu çlirimin nga rregullat e distancimit social të gjithë atyre që kanë krijuar antitrupat ndaj Covid-19.

Qeveria ka urdhëruar 10 milionë teste të imunitetit, që do të mbërrijnë nga java e ardhshme. Testet do të tregojnë se kush e ka kaluar sëmundjen, e ka dalë prej saj me nivele të caktuara imuniteti.

“Mund t’ju njoftoj sot se kemi nënshkruar kontratat për të siguruar 10 milionë teste imuniteti nga Roche dhe Abott. Nga java e ardhshme do të nisim testimin, duke filluar nga punonjësit e shëndetësisë, pacientët e banorët”, u shpreh Matt Hancock, sekretar për shëndetësinë.

Ai theksoi po ashtu se shkenca po punonte ende për të përcaktuar nëse personat e shëruar nga koronavirusi krijojnë imunitet dhe kohëzgjatjen e tij.

Megjithatë, ai konfirmoi se ministrat po mendojnë për një sistem që do të certifikonte personat që mund të kthehen pa problem në punë e që mund të ndërveprojnë pa u ruajtur me të tjerët./Opinion.al

Pas