Parashikimi i cunameve dhe tërmeteve në kohë, mund të shpëtonte miliona jetë njerëzish, por shkencëtarët nuk kanë gjetur ende një teknike për ti parashikuar para se ata të kthehen në shkatërrues. Por kjo gjë mund të ndodhë së shpejti, pse jo. Bretkosat apo gurët që thërrmohen nga gazi i ozonit, mund të jenë një shenjë që të na tregojë se së afërmi do të kemi tërmet. Çka mund ta përmirësojë në mënyrë të ndjeshme për mirë sistemin e alarmit. Elementi surprizë I bën tërmetet vdekjeprurës. Është e njohur që lëkundjet sizmike godasin pa paralajmërim. Shkencëtarët prej kohësh janë përpjekur që t’i parashikojnë, por deri tani kanë patur shumë pak sukses. Por një ekip i drejtuar nga fizikanti Raul Baragiola nga Univeristeti i Virxhinas ka demonstruar se nga shkërmoqja e gurëve përpara dhe gjatë një tërmeti prodhon ozon. Prania e molekulave të ozonit pranë sipërfaqes së tokës mund të shpjegojë shumë fenomene, po ashtu si edhe sjellja e disa kafshëve.
