Ditën e sotme kryeministri Edi Rama foli për furnizimin me ujë të pijshëm të qytetarëve.
Gjatë një konference për mediat, Rama tha se qeveria ka investuar, por deri më tani ka rritur furnizimin me ujë deri në 15 orë në ditë.
Rama tha se në Shqipëri akoma diskutohet për ujin, ndërsa pjesa tjetër e botës po shkon në hënë. Po ashtu, ai shtoi se Shqipëria as në kohën e sistemit komunist nuk ishte e garantuar furnizimi me ujë për 24 orë.
“Në vitin e ardhshëm, 55 zona të mëdha urbane të vendit, në vitin 2022 edhe në mbi 200 zona më të populluara të vnedit, do të kemi këtë infrastrukturë. Shumëkush që ndjek faqen time dhe që përfaqëson një kategori të caktuar të opinion publik, ngre pyetjen herë me ironi dhe herë në formë habitore, se si ka mundësi që akoma flasim për ujë të pijshëm, kur bota po shkon në hënë. Bota ka shkuar në Hënë me kohë, por në sistemin tonë të ujësjellësve, kemi një pasqyrë shumë të posaçme në raport me botën por jo me rajonin. Rrjetet e trashëguara janë të trashëguara që në vitit ’60. As në komunizëm nuk është garantuar uji 24 orë, apo në çdo pikë banimi të Shqipërisë. Për më tepër, ne për 25 vjet, pas rënies së komunizmit, kemi filluar të prekim një sistem furnizimi me ujë, ku kemi pasur dhe akoma sot aty ku vazhdon puna, ka depo dhe tubacione të viteve ‘60-70. Në vitin 2013 kur mbaroi epoka e qeverisjes së kaluar kishte vetëm një qytet me furnizim me ujë 24 orë, ishte Korça. Sot ka 23 zona që furnizohen me 24 orë ujë. Tirana është histori më vete ka një rritje në tërësi me 7 orë ujë në ditë, vetëm Bovilla furnizon 17 orë ujë në ditë. Mesatari i Shqipërisë ishte 10 orë në ditë, sot që flasim jemi 15 orë në ditë dhe po punojmë për të arritur furnizimin në 18 orë ujë në ditë”,-tha Rama./ Opinion.al
