Bota ka përjetuar korrikun më të nxehtë në histori.
Qendrës “Copernicus”, që është pjesë e projektit të Bashkimit Evropian, për studimet e klimës ka prezantuar të dhënat e saj bashkë me një njoftim, ku thotë se ky korrik mund të ketë qenë ndjeshëm më i nxehtë se ai i 2016, që më herët mbante rekordin e muajit më të nxehtë që prej nisjes së regjistrimit të të dhënave.
Qendra thotë se korriku 2019 ishte 1.2 gradë celsius mbi nivelet para-industriale, duke shtuar se të dhënat më të thelluara do të jepen në mes të gushtit, kur edhe do të mund të shihen më qartë rezultatet.
Sipas të dhënave Parisi arriti në temperatura 42.6 gradë celsius në korrik, Britania arriti temperaturën e dytë më të lartë të regjistruar ndonjëherë, 38.1 gradë celcius në Cambridge, Holanda pa për të parën herë temperaturat të arrinin në 40.4 gradë celsius, ndërsa Gjermania regjistroi temperaturën më të lartë të saj në të gjithë kohërat, prej 42.6 gradësh celsius në Lingen, në korrik
Moti i nxehtë ka shkrirë gjithashtu një masë të madhe akujsh në Groenlandë, ndërkaq shkencëtarët kanë paralajmëruar se temperatura rekord do të vazhdojnë si rezultat i ndryshimeve klimatike.
Kujtojmë se e njëjta situatë ndodhi dhe në muajin qershor, me temperaturë mesatare prej 16.4 gradësh Celsius.
Administrata e Oqeanisë dhe Atmosferës e Shteteve të Bashkuara tha se në muajin qershor temperatura mesatare globale ka qenë më e nxehtë se mesatarja e shekullit 20. Sipas saj, të nxehtit ka qenë më i përqendruar në Evropë, Rusi, Kanada dhe Amerikë Jugore./Opinion.al
