Fitorja e Shqipërisë ndaj Serbisë, e cila emocionoi të gjithë kombin, për moderatoren Viola Spiro ka patur edhe një përfitim më tepër.
Spiro ka arritur të gjejë rezultatin e saktë të ndeshjes Serbi-Shqipëri dhe për këtë kishte vendosur në bastë me kolegët e saj.
Kombëtarja arriti të fitonte saktësisht me rezultatin e parashikuar prej saj, 0-1, dhe për këtë arsye ajo do të marrë një ditë pushimi shtesë.
Pjesë nga biseda në “Opinion”
Viola Spiro: Ishte një parashikim që po bënim të gjithë video, pjesa e stafit dhe të gjithë e çuam në një chat se kush do të kishte një ditë pushim ai që fitonte. Nuk e di kur do e marr, por që do e marr një ditë ekstra pushimi. E gjeta 0-1. Kisha një pozitivitet, optimizëm, nuk e di pse.
Blendi Fevziu: Nga buronte?
Viola Spiro: S’e di. Kam bërë një intervistë të Sylvinho-s një javë para se të fillonin përgatitjet dhe tha që kishte të njëjtin emocion dhe pozitivitet siç kishte në fillim të kualifikueseve për Europianin kur filluam për Poloninë, Çekinë dhe kishte të njëjtin ndjesi si tani, u karikova edhe unë me këto, pashë edhe çunat që ishin shumë të qetë.
