Aktualitet

Borrell takohet me udhëheqësit e Ballkanit: Të angazhohemi më fort për…


Bëhu pjesë e Grupit Zyrtar të Opinion.al
>> KËTU <<
               Publikuar në : 10:05 - 22/09/21 |
Opi Nion

Përfaqësuesi i lartë për Politikën e Jashtme dhe Sigurinë në Bashkimin Evropian, Josep Borrell, ka zhvilluar një darkë joformale me krerët e vendeve të Ballkanit Perëndimor, në Nju Jork.

Në këtë takim ku ishte pjesëmarrës edhe Kryeministri Rama është diskutuar përshpejtimi i integrimit të rajonit në familjen evropiane dhe gjetja e një zgjidhjeje të gjithëpranuar në dialogun Kosovë-Serbi.

Ndër të tjera, Borrell nënvizoi nevojën për një angazhim të fortë si nga partnerët e Ballkanit Perëndimor, ashtu edhe nga Bashkimi Evropian dhe shtetet anëtare, për të kapërcyer dinamikat aktuale dhe për të çuar përpara procesin e integrimit.

Të pranishëm në takim ishin edhe Presidenti i Malit të Zi, Milo Dukanoviç, Presidenti i Maqedonisë së Veriut, Stevo Pendarovski, kreu i Presidencës së Bosnjës dhe Hercegovinës, Zeljko Komsiç, Presidentja e Kosovës, Vjosa Osmani, si dhe ministri i Jashtëm i Serbisë, Nikola Selakoviç.

Ky është takimi i dytë që organizohet nga Përfaqësuesi i Lartë i BE, pas darkës joformale në Brukel, të zhvilluar në muajin maj të këtij viti./Opinion.al

Pas