Aktualitet

“Ia mpinë shqisat njerëzve”, Duma: Çfarë ndodhi në gjyqin me Veliajn


Bëhu pjesë e Grupit Zyrtar të Opinion.al
>> KËTU <<
               Publikuar në : 10:40 - 22/09/21 |
Opi Nion

Ditën e sotme në Gjykatën e Posaçme është mbajtur seanca e pajtimit midis deputetes së PD-së, Grida Duma dhe kryetarit të Bashkisë së Tianës, Erion Veliaj.

Duma ka ngritur padi për shpifje ndaj Veliajt, ndërkohë që ky i fundit nuk është paraqitur në seancë.

Në një prononcim për mediat pas seancës së pajtimit ajo tha: “Veliaj kërkoi shtyrje të gjyqit. Nuk ka për t’u paraqitur, se përballja me të vërtetën e ka të vështirë. Seancat do të vijojnë nuk dhamë dakordësi për pajtimin. Ju bëj me dije se nuk është më çështja ime personale, herë pas here është politike. E vërteta duhet të kthehet në institucion. Gënjejmë, premtojmë, japim mashtrime dhe ia mpimë shqisat të gjithëve se çdo gjë e gënjeshtër fiton në këtë vend. Më takon mua të bëjë një betejë. Kjo betejë nis nga vlera e fjalës, vërtetësia e saj. Kur njeriu beson fjalën, vepron mbi atë. Ata që besojnë gënjeshtra, bën veprimin e gabuar. Ata që kanë lindur në liri, e dinë peshën e saj.”,

Padia e Dumës ka të bëjë me reagimin e Veliajt, pas akuzave të ngritura nga Partia Demokratike ndaj tij për lidhje me mafien italiane.

“Në reagimin e tij mbas deklaratës zyrtare të Partisë Demokratike, i akuzuari Erion Veliaj nuk paraqiti asnjë argument për të vërtetuar të kundërtën e deklarimeve të personave të përgjuar nga Antimafia Italiane, të cilët e implikojnë atë drejtpërsëdrejti, por zgjodhi të sulmojë në mënyrën më të ulët znj. Grida Duma duke hedhur akuza të pabaza dhe totalisht të pavërteta”, thuhet ndër të tjera në padi.

Më tej, theksohet se Veliaj e ka quajtur Grida Dumën “trafikante apartamentesh”. “E vetmja gjë e paverifikuar për ne mbetet se si Grida Duma u bë investitore pallatesh vite më parë, duke përfunduar në gjyqe për mashtrime dhe duke lënë burgjeve partnerët e saj në biznes”, ka thënë në atë kohë Veliaj, sipas padisë së Dumës./Opinion.al

 

 

 

Pas