Aktualitet

Bojkoti i futbollit/Duka sqaron propozimet:I gatshëm të ulem me çdo person


Bëhu pjesë e Grupit Zyrtar të Opinion.al
>> KËTU <<
               Publikuar në : 12:55 - 26/09/20 |
Al Do

Presidenti i Federatës Shqiptare të Futbollit, Armando Duka prezantoi sot në një konferencë për shtyp pikat që do t’i dërgohen qeverisë për të zgjidhur  ngërçin ku ndodhet jo vetëm futbolli, por i gjithë sporti shqiptar.

Një nga propozimet kryesore është ngritja e një komisioni të posaçëm, sportiv dhe qeveritar, për të vlerësuar projektet respektive apo përqindjet dhe vlerat monetare që do të marre secila federatë.

““Ne jemi këtu për të zgjidhur një gjë për sportin. Unë personalit e kam shprehur, unë jam personalisht i gatshëm që të takohem me çdo person, vetëm që ligji të behet. Në mbledhjen e Ligës disa nga presidentetët kanë deklaruar se po na bënë ligjin do ta votojmë maxhorancën e sotme.”, deklaroi Duka.

Ai theksoi nevojën për një ligj të ri për sponsorizimet pasi ai aktual “ka prodhuar zero lekë për sportin”, tha kreu i FSHF.

“Mua më duket logjike. Çfarë po kërkon sporti në Shqipëri, po kërkon sa Kosova, një shtet i krijuar 90 vjet mbrapa Shqipërisë, mos themi edhe shifra të tjera. Buxheti që jep qeveria shqiptare është 700 mijë euro. Kosova jep 12 milionë euro. Pse 12 herë më të këqij se Kosova jemi ne? Nuk bëhet mbrojtja duke thënë që kjo qeveri ka financuar, këtë e këta, po mo i ka financuar, e kemi duartrokitur kur është dashur. Ose merre dhe kopjo Kosovën, Maqedoninë, Hungarinë dhe bëj një gjë për sportin që të jetë e sigurtë. Minimum jetik për sportin.”, shtoi Duka.

Kreu i FSHF sqaroi skemën ku 30% e tatimeve e bizneseve që prodhojnë më shumë se 20 milionë lekë  të ketë mundësinë, dhe jo obligimin,  të shkojë  drejt sportit. “Idealisht janë 50 milionë euro, por jemi të vetëdijshëm që 100% nuk realizohet dot, mund të realizohet 10% në vitin e parë, dhe deri në 60% në vitet e ardhshme”.

Sipas tij, këto financime do të shkonin “për infrastrukturë, për fëmijët dhe federatat jo elitare , dhe vetëm në 25% për federatat elitare si Kategoria Superiore që sipas Dukës “ në vitin 2019 ka paguar 500 milionë lekë tatime, dhe do të paguajë edhe më shumë në 2020”.

Duka deklaroi se në parim ai “është kundër bojkoteve, por nuk është gjetur asnjë zgjidhje në tavolinë”.

“Vendimin Liga e ka marrë më 5 gusht. E kemi informuar UEFA-n, në çdo hap që ne marrim. Kemi marrë dhe ekspertizën e tyre. Janë plotësisht të informuar. Janë në dijeni të situatës. Kemi pasur një diskutim me presidentin në Budapest pas finales. Janë të interesuar që çështja të zgjidhet sa më shpejt.”, tha kreu i FSHF. /Opinion.al

Pas