Seanca e Kuvendit ka rinisur me diskutimin e deputetit socialist Ben Blushi. Ai ne fjalen e tij u ndal tek zhvillimet e djeshme politike, pas mesazheve te forta te ambasadoreve te SHBA-se dhe BE-se ne rast te mosmiratimit te reformes ne drejtesi.
Blushi tha se ambasadoret po e detyrojne klasen politike te beje reformen ne drejtesi. Kjo provon se parlamenti yne nuk ka as fuqi, as dinjitet dhe as mundesi te beje ate qe duhet dhe pritet prej tij.
Ne sot po tallemi nga nderkombetaret, vijoi Blushi, dhe ky parlament e ka konsumuar oren e vet te fundit, atij i ka ardhur ora te ike ne shtepi.
Pjesë nga fjala e Blushit në Parlament
Është totalisht e pazakonshme, për thirrjen nga ana e ambasadorëve të BE dhe SHBA… që nga viti 1914 kur fuqitë e mëdha sollën një administrator se s’kishim mundësi të vetëorganizoheshim, ska pasur ditë më të turpshme për ne.
Por nëse në vitin 1914 s’kishim fuqi të ushtronim sovranitetet sot është shumë më keq se kaq, se klasa politike shqiptare s’do dhe po e saboton qëllimisht reformën në drejtësi. Ambasadorët kanë vendosur të mbledhin 3 grupet tona parlamentare për të përcaktuar jo vetëm punën por edhe orarin e punës. Kanë vendosur ta mbledhin parlamentin e shqiperise jashtë kësaj salle, Disave kjo nuk u thotë asgjë, sic ka njerëz që në 100 vjet kanë qenë më qesharak se kaq. Nga kjo ditë ky parlament ka humbur legjimitetin e vet.
Ndërkombëtarët spo na lënë vetëm, megjithatë kjo mbështetje për reformën në drejtësi ka një cmim, tallja dhe cmontim i ketij parlamenti, përcmimi i kësaj klase politike edhe ne fund fare shfarosja. Çmimi është ndëshkimi i klasës politike, shfarosja si specie e kësaj klase politike, nëse nuk e kuptoni duhet ta dini se jemi shumë afër shfarosjes, proces që shqiptarët nuk e bënë me votë, si seleksionohen speciet kjo do bëhet mes reformës në drejtësi. Shumica e shqiptarëve do e aprovonin, se Shqipëria do jetë më mirë kur ne të ikim, nëse pyesni shqiptarët ata janë dakord, ne e meritojmë të tallemi dhe nëpërkëmbemi si po ndodh, shqiptarët kanë besim se klasat e tyre politike do ndëshkohet, pasi ka rezistuar për shumë kohë duke sabotuar drejtësinë.
Reforma në drejtësi ndoshta do kalojë, çka mund ti japë shpresë shumicës së njerëzve se me ndihmën e partnerëve pronat nuk do vidhen, deti nuk do falet, stadiumet me majucë nuk do të ndërtohen më dhe se jeta mund të jetë pak më e drejtë dhe shumë më cilësore. Reforma në drejtësi nëse miratohet si mesa duket do miratohet mund të shërbejë për të ndalur shpopullimin e vendit dhe zbrazjen nga politikanët c’ka ka ndodhur në 25 vjet.
