Aktualitet

Bllokohet Rruga e Arbrit, disa fshatra në Dibër të izoluara, pa drita e ujë


Bëhu pjesë e Grupit Zyrtar të Opinion.al
>> KËTU <<
               Publikuar në : 08:53 - 22/01/22 |
Opi Nion

Moti i keq dhe temperaturat e ulëta kanë përfshirë të gjithë vendin, duke krijuar vështirësi në qarkullim në disa akse rrugore.

Edhe pse reshjet e dëborës kanë pushuar ngricat kanë bërë që të vijojë të jetë e bllokuar Rruga e Arbrit. Mësohet se policia ka vendosur postblloqe në Klos dhe në Bastar-Murrizë dhe detyron drejtuesit e mjeteve të marrin aksin e vjetër nga Burreli, deri në një njoftim të dytë.

Sakaq, edhe aksi Peshkopi-Klos kalohet me zinxhirë, ndërsa më tej në Klos – Skuraj qarkullimi vijon pa probleme.

Në aksin Ura e Çerenecit – Librazhd kalimi bëhet me zinxhirë. Në aksin Peshkopi-Kala e Dodës-Kukës kalimi bëhet me zinxhirë. Po ashtu edhe në aksin Peshkopi- Draj Reç- Kukës kalimi bëhet me zinxhirë.

Pjesa më e madhe e fshatrave në zonat e thella të Lurës, Selishtës, Kalasë së Dodës, Sllovës, Krastës, Ostrenit, Trebishtit, janë të izoluar dhe rrugët janë ende të pa hapura. Prej 48 orësh janë pa energji elektrike Njësitë Administrative Lurë, Selishtë, Luzni dhe Sllovë. Në Bulqizë vijojnë të jenë pa energji prej 48 orësh Njësitë Administrative Krastë, Ostren, Trebisht dhe një pjesë e fshatrave të Fushë Bulqizës.

Për shkak të ngricave një pjesë e qytetit të Peshkopisë kanë mungesë të ujit të pijshëm, tubacionet kanë ngrirë pasi temperaturat gjatë natës kanë qenë rreth -15 gradë./Opinion.al

Pas