Përfshirja e biznesit të vogël në skemën e TVSH-së, është një kërcënim serioz për ekzistencën e tyre, megjithatë kryeministri Edi Rama nuk shqetësohet për këtë problem.
Përmes një postimi në Facebook, kreu i grupit parlamentar të LSI-së, petrit Vasili ka kritikuar edhe njëherë këtë masë të qeverisë së Edi Ramës, duke thënë se mijëra familje shqiptare rrezikojnë të mbeten të papuna, dhe kjo vetëm për shkak të arrogancës së një kryeministri që shqetësohet vetëm për tu pasuruar oligarkët që e rrethojnë.
Ja postimi i plotë i Vasilit:
Kryeministri marionetë e oligarkisë, trembet të flasë për TVSH-në e biznesit të vogël. Mijëra qytetarë që kanë lidhur mbijetesën e familjeve dhe fëmijëve të tyre me biznesin e vogël janë në ankth.
TVSH për ta është një problem kritik në përballjen e tyre për mbijetesë. Rregullat që kryeministri i paditur dhe mizor jua ndryshon përditë janë një vrasje masive publike.
Ky mediokër kryeministër është i qetë vetëm kur oligarkët gëzohen për rregullat, që ai vë dhe i pasuron pa fund ata.
Biznesi i vogël kërcënohet nga asgjësimi masiv për llogari të supermarketeve gjigante të oligarkisë.
Mijëra familje lihen në mëshirë të fatit nga arroganca e një shkollëpaku të shndërruar në marionetë të oligarkisë.
Ky kryeministër nepsqar i urren shqiptarët e thjeshtë dhe të varfër. Asgjësimi dhe kthimi i tyre në skllevër e kënaq.
