Bota

Biznes i makinave luksoze, si i pastroi shqiptari në Itali të ardhurat e drogës



Bëhu pjesë e Grupit Zyrtar të Opinion.al
>> KËTU <<
               Publikuar në : 13:34 - 13/08/22 |
Opi Nion

Një arrestim, një denoncim, gati shtatëqind gramë drogë dhe 300 mijë euro të sekuestruara. Është bilanci i një operacioni kompleks antidrogë të njësisë hetimore të karabinierisë së Vicenzës. Gjithçka nisi pas një arrestimi për drogë në korrik 2021 nga Karabinierët e Bassanos. Hetimet, të kryera si me metoda klasike, ashtu edhe me ndihmën e veprimtarisë teknike, i çuan hetuesit te Anton Likmeta, 35-vjeçari shqiptar, tashmë i njohur për policinë. Nëpërmjet mbështetjes logjistike dhe ndihmës së partneres së tij, një 37-vjeçare rumune, burri kishte menaxhuar prej disa kohësh një trafik të lulëzuar kokaine që preku, në fakt, të gjithë Triveneto-n me një vëllim biznesi që, vlerësohet në qindra mijëra euro.

Në vazhdën e hetimeve, policia arriti të përcaktonte edhe rrugën e ndjekur të parave, rezultat i veprimtarisë së trafikut të drogës.

Këto të ardhura u transportuan fillimisht dorazi nga partnerja e tij në Rumani. Më pas, nëpërmjet njerëzve të besuar që përdornin llogari rrjedhëse të hapura në institucionet bankare rumune, për të penguar konkretisht identifikimin e origjinës së paligjshme të parave, kapitali u kthye në Itali.

Vetëm pas kësaj manovre komplekse, 35-vjeçari, pronar i një sipërmarrjeje individuale për tregtimin e makinave luksoze (Porche, Maserati…), ripërdori paratë e “pastra” në Itali për të financuar aktivitetet e tij sipërmarrëse.

Tregtimi i paligjshëm i kokainës dhe vetë-pastrimi i të ardhurave të paligjshme u ndërpre prillin e kaluar, kur karabinierët gjetën dhe ndaluan çiftin në një makinë luksoze me fuqi të lartë. Gjatë kontrollit, i cili u shtri edhe në banesë, u gjetën dhe sekuestruan rreth 670 gramë kokainë, 15 gramë hashash dhe 43 200 euro cash. Më pas Likmeta u arrestua në flagrancë dhe ndaj pasurisë së çiftit u bë edhe sekuestro parandaluese. Në qershorin karabinierët e grupit hetimor kanë ekzekutuar masën e sigurisë dhe kanë sekuestruar shumën shtesë prej 255 mijë eurosh në llogarinë rrjedhëse në emër të gruas së sapo ardhur nga Rumania./Opinion.al

Pas