Bota

Bie mbështetja për Donald Trump


               Publikuar në : 16:59 - 20/04/19 |
geliano fataj

Numri i amerikanëve që mbështesin presidentin Donald Trump, ka rënë me 3 përqind, duke shënuar rezultatin më të ulët të vitit. Sondazhi i realizuar nga Reuters u mbajt menjëherë pas publikimit të raportit të Prokurorit të Posaçëm, Robert Mueller, lidhur me ndikimin rus në zgjedhjet presidenciale në SHBA.

Ky sondazh, që u realizua të enjten, është i pari në nivel kombëtar, që bën matjen e mbështetjes së popullit amerikan pas publikimit të raportit që përbëhet nga 448 faqe, ku numëron shumë raste të ndërhyrjes së mundshme të presidentit Trump në hetimet e ndikimit rus.

Sipas sondazhit, vetëm 37 përqind e moshës madhore në SHBA, kanë treguar mbështetje për presidentin Trump, në krahasim me 40 përqind të përkrahjes që ishte në sondazhin e kaluar.

Në raport, Prokurori i Posaçëm Robert Mueller, tha se hetimet nuk tregojnë se Rusia ka pasur ndikim në fushatën presidenciale të Trumpit. Por, hetuesit kanë hasur “në disa raste kur presidenti ka tentuar të ndikojë në hetime të nivelit të lartë”.

Sondazhi i Reuters është zhvilluar në mënyrë elektronike. Sondazhi tregon se 50 përqind e amerikanëve mendojnë se presidenti Trump apo dikush nga fushata e tij, ka bashkëpunuar me Rusinë në zgjedhjet e vitit 2016./Opinion.al

Pas