Aktori i njohur Justin Theroux u fotografua në rrugët e New York së bashku me një brune simpatike. Duket se ai po e shijon jetën si beqar pas ndarjes me bashkëshorten, aktoren Jennifer Aniston.
Ata i dhanë fund martesës së tyre në vitin 2017, ndonëse vendosën që të ruajnë marrëdhënien miqësore mes tyre.
47-vjeçari u shfaq i veshur sport dhe dukej se po e shijonte shoqërinë e vajzës misterioze me të cilën ka biseduar gjatë gjithë kohës. Pas ndarjes me Aniston ai ka dhënë një intervistë ku është shprehur se janë shokë të mirë: “Lajmi i mirë është se u ndamë në mënyrën më të sjellshme, më paqësore. S’kishte armiqësi mes nesh. Asnjëri prej nesh nuk ka vdekur. Asnjëri prej nesh nuk ka ndërmend të hedhë helm për tjetrin. Mund të duket klishe, por ne e respektojmë mjaftueshëm njëri tjetrin dhe e gjithë kjo ishte shumë më pak e dhimbshme nga ç’menduam”,-u shpreh ai kohë më parë./Opinion.al/
