Kandidati demokrat për President në Shtetet e Bashkuara, Joe Biden hodhi dyshime për pretendimet e presidentit Trump se vaksina e koronavirusit do të jetë gati në disa javë.
Por ai shtoi se do të besonte afatet kohore dhe hapat e detajuar nga Anthony Fauci, drejtor i Institutit Kombëtar për Alergji dhe Sëmundje Infektive.
“Unë nuk i besoj Presidentit për vaksinat. Unë i besoj Dr. Fauci,” tha Biden. “Nëse Fauci thotë se një vaksinë është e sigurt, unë do ta bëja vaksinën. Ne duhet të dëgjojmë shkencëtarët, jo Presidentin.”
Komenti i tij vjen ndërsa fushata e Trump dhe aleatët kanë pohuar se, duke hedhur dyshime në pretendimet e vaksinave të Presidentit, Biden po minon besimin në një vaksinë të mundshme. Biden, ndërkohë, thotë se Trump po përpiqet të pretendojë se vaksina është afër në mënyrë që të zbehë pasojat politike të trajtimit që ai i bëri pandemisë. aq sa të fitojë një mandat të dytë./ Opinion.al
