Rajoni

Bërnabiç: Serbia nuk ndërhyn në punët e brendshme të Malit të Zi


Bëhu pjesë e Grupit Zyrtar të Opinion.al
>> KËTU <<
               Publikuar në : 08:29 - 02/09/20 |
el ida

Kryeministrja e Serbisë, Ana Bërnabiç, deklaroi se Serbia nuk ndërhyn në asnjë mënyrë në punët e brendshme të Malit të Zi dhe se ajo si kryeministre, ndjen nevojën për të reaguar ndaj pretendimeve të bëra nga presidenti i atij vendi, Millo Gjukanoviç.

Bërnabiç vlerësoi se kjo deklaratë ishte përpjekje e mashtrimit politik nga ana e Gjukanoviç, të cilën ai po e përdor “për të shpjeguar shkaqet e rezultatit të zgjedhjeve të partisë së tij”.

Ajo deklaroi se Serbia dëshiron marrëdhënie sa më të mira me Malin e Zi dhe të gjitha vendet në rajon dhe se është e përkushtuar për ndërtimin e një Ballkani të qëndrueshëm dhe të sigurt.

Më herët, presidenti i Malit të Zi, Millo Gjukanoviç deklaroi se presidenti i Serbisë, Aleksandar Vuçiç dhe politika e Serbisë “treguan qëllime shumë problematike” ndaj Malit të Zi dhe se që nga miratimi i Ligjit për Liritë e Fetare në muajin dhjetor, ka pasur agresion të fortë mediatik dhe politik nga Beogradi.

Ligji për Liritë Fetare, i miratuar në fund të vitit 2019, shkaktoi një konflikt të hapur midis institucioneve shtetërore dhe Kishës Ortodokse Serbe.

Pjesa më e diskutueshme e këtij Ligji, përkatësisht ndryshimet e të cilit po kërkon Kisha Ortodokse Serbe, kanë të bëjnë me pronën e bashkësive fetare./Opinion.al

Pas