Aktualitet

Berisha: Rama legalizon kullat por ndjek penalisht të moshuarën për një kotec pulash



Bëhu pjesë e Grupit Zyrtar të Opinion.al
>> KËTU <<
               Publikuar në : 18:45 - 18/09/22 |
Opi Nion

Kreu i Partisë Demokratike, Sali Berisha gjatë fjalës së tij në bashkëbisedimin online me shqiptarët në Itali ditën e sotme foli për konfiskimin e ndërtimeve pa leje. Sipas Berishës, Rama nga një anë legalizon kullat e ndërtuara pa leje dhe nga ana tjetër ndjek penalisht një të moshuar për një kotec pulash.

Po ashtu Berisha tha se, kreu i qeverisë Rama është i lidhur këmbë e krye me krimin dhe drogën, gjë që sipas tij ka sjellë pasiguri tek shqiptarët duke i detyruar ata të largohen.

“Ju jeni dëshmitar të ritmeve tmerrësisht të shpejta të shpopullimit të vendit. Është politikë absolutisht të qëllimshme. Në vitin e dytë të qeverisjes së tij ai ka prishur 9 mijë ndërtesa dhe biznese, duke u lënë alternativë të vetme, largimin nga Shqipëria.

A i keni ndjekur ju zhvillimet këto ditë. Në Shqipëri kanë mbi kate dhe pallate dhe kulla pa leje. Të gjitha të klientelës së Edi Ramës dhe flitet edhe vetë atij.

U zotua se do të përdorë ligjin. Çfarë përdorimi bëri. Ndjek penalisht një zonjë 82-vjeçare në Nartë se ka ndërtuar një kotec pulash pa leje. Ndërkohë që kullat në mes të Tiranës thotë se do ti legalizojë në kundërshtim me çdo ligj.

Ky është i lidhur, këmbë e krye me krimin dhe drogën. Kjo përbën një vështirë tjetër për shqiptarët. Pasiguria e madhe i detyron ata të largohen masivisht nga Shqipëria.

Varfëria në rritje. Shqipëria po polarizohet në mënyrë të rrufeshme. Vitin e kaluar INSTAT thotë se Shqipëria pati një rritje ekonomike 9.3 %. Çdo njeri që e dëgjon këtë shifër thotë se ky qenka vendi i punës. Po punësimi sa ishte, sipas INSTAT, punësimi u rrit gjithsej me 0.4 %. Ata që kanë njohuri elementare e kuptojnë se 9.3 % është mali i narko eurove. Nuk përkthehet në asgjë, mirëqenie prosperitet për qytetarin shqiptar”, tha Berisha./Opinion.al

 

Pas