Politikë

Berisha “non grata” nga SHBA, Patozi: Të gjejë një mënyrë për t’u tërhequr


Bëhu pjesë e Grupit Zyrtar të Opinion.al
>> KËTU <<
               Publikuar në : 22:45 - 21/06/21 |
Opi Nion

Ish-drejtuesi i Bindjes Demokratike, Astrit Patozi ka folur lidhur me vendimin e DASH për të shpallur  “non grata” nga SHBA, ish-kryeministrin Sali Berisha.

Patozi tha për “A2” se vendimi i DASH është një ngjarje e rëndë për Berishën, teksa e këshillon ish-kryeministrin të tërhiqet. Sipas Patozit, shpallja “non grata” e Berishës është një mesazh i qartë për të gjithë dhe tashmë nuk mund të kursehet askush.

“Është një ngjarje shumë e rëndë, sidomos për Berishën. Mënyrë që ai ka zgjedhur është pak fëmijërore, krahasuar me politikën që ai ka bërë në këto 30 vjet. Unë do i thosha që të gjente një mënyrë për t’u tërhequr, pasi do të ishte zgjidhja më e mirë për atë vetë. Vendimi i DASH nuk mund të interpretohet si një çështje që ka të bëjë me rolin e Berishës për kufijtë e Kosovës apo të Soros për të ndihmuar Ramën. Këto janë argumente folklorike, por përdoren për trushpëlarët brenda vendit që Berisha të dalë i pacenuar edhe pse ai është i cenuar goxha. Është një gjë që ka nisur shumë vite më përpara, por u agravua në kulmin e debatit për reformën në drejtësi. Ky është një sinjal i qartë për Bashën dhe do të shërbente për t’i dhënë fund një marrëdhënie hipokrizie mes Berishës dhe Bashës. Tani ata janë të detyruar që të përballen me të vërtetën, të mos fshihen pas njëri-tjetrit. Berisha ka bërë sikur nuk ka asnjë rol në vendimet e Bashës. Kjo histori duhet të mbyllet. Nëse u lihet në dorë atyre të dyve, nuk mbyllet kurrë. Kur nuk u kursye Berisha, nuk mund të kursehet askush tjetër, madje për të tjerët është shumë e lehtë për të marrë edhe vendim ekstrem”, tha Patozi./ Opinion.al

Pas