Ish-kryeministri, Sali Berisha, po jep një deklaratë për mediat, pasi dëshmoi në Prokurori për protestën e 8 Janarit të thirrur prej tij.
Ai theksoi se në dëshminë e tij ka deklaruar se momenti më dramatik i protestës ishte fakti se Basha ishte i rrethuar nga një bandë vrasësish e trafikantësh.
“Me urdhër të kreut të Meduzës unë erdha në respekt të parimeve përmes të cilave jam i mbrojtur. Në deklaratën time theksova se për çdo shqiptar, partner të Shqipërisë shëmtira më kryesore, akti më i paimagjinueshëm, momenti më kriminal në historinë e 30 viteve, dëshmia më flagrante e lidhjes së politikës me krimin ishte Lulzim Brava i rrethuar nga një bandë vrasësish. Kjo përbën dhe momentin më dramatik dhe dëshminë më flagrante të shkrirjes në një të narko-shtetit dhe lidhjeve të një politikani me krimin. Nuk duhet të injoroni një moment, që është më flagrant se sot njeriu që është shkarkuar nga çdo funksion nga anëtarësia është simbol së pari i pabesisë ekstreme, së dyti simboli më i degraduar i lidhjeve me krimin, së treti, mos harroni ju se ky është personi që për pazare personale dhe pasurim personal ishte i gatshëm të shuante ndërtesën për shkak të kullave që do të ndërtoheshin atyre”, deklaroi Berisha./Opinion.al
