Një 29-vjeçar është arrestuar nga Policia e Beratit pasi ka goditur me sende të forta punonjësin e Ujësjellësit. I arrestuari është identifikuar me inicialet D. P., 29 vjeç, banues në fshatin Qereshnik, Berat.
Dyshohet se ngjarja ka ndodhur për motive të dobëta, ndërkohë Materialet i kaluan Prokurorisë së Rrethit Gjyqësor Berat për veprën penale “Goditjet për shkak të detyrës”.
Njoftimi i policisë:
Godet me sende të forta punonjësin e ujësjellësit, por vihet në pranga nga policia. Nga Specialistët për Hetimin e Krimeve në Komisariatin e Policisë Berat, u bë arrestimi në flagrancë i shtetasit:
-D. P., 29 vjeç, banues në fshatin Qereshnik, Berat.
Arrestimi i tij u bë pasi ky shtetas në Qereshnik, për motive të dobëta, dyshohet se ka goditur me sende të forta punonjësin e Ujësjellësit Berat, shtetasin B. Sh., 59 vjeç, i cili ka qenë duke furnizuar me ujë këtë fshat.
Materialet i kaluan Prokurorisë së Rrethit Gjyqësor Berat për veprën penale “Goditjet për shkak të detyrës”.
