Politikë

Begaj pritje me trupin diplomatik: Për tensionet në Kosovë jemi të ndjeshëm, por të matur



Bëhu pjesë e Grupit Zyrtar të Opinion.al
>> KËTU <<
               Publikuar në : 21:22 - 18/01/23 |
Opi Nion

Është mbajtur mbrëmjen e sotme në Presidencë ceremonia e pritjes së përfaqësuesve të Trupit Diplomatik në Shqipëri.

Në fjalën e tij para ambasadorëve të huaj në Tiranë por edhe politikanëve të vendit, kreu i shtetit Bajram Begaj e nisi me luftën në Ukrainë. Begaj theksoi se Shqipëria mbetet vendosmërisht në krah të ukrainasve, e aktivisht pjesë e bashkëpunëtore e aleancës euroatlantike.

Po ashtu, presidenti ka falenderuar aleatët e partnerët e Shqipërisë në NATO, e veçanërisht Shtetet e Bashkuara “për mbështetjen e bashkëpunimin që Shqipëria t’i bëjë ballë sulmeve të natyrave të ndryshme e tentativave për të destabilizuar apo dëmtuar vendin.”

Ndërsa deklaroi se Ballkani ka bërë hapa të rëndësishëm drejt forcimit të bashkëpunimit rajonal, të shtetit të së drejtës dhe integrimit europian, Begaj tha se beson se organizimi i samitit të Ballkanit Perëndimor është shembull mirënjohjeje e vlerësimi.

Unë uroj që mirënjohja e vlerësimi të kthehen në vlera themelore të një Bashkimi Europian që zgjerohet në Ballkan. Padyshim, këto janë vlera që do të duhet të arrijmë t’i përçojmë edhe përtej Europës, drejt një bote ku përveç vendeve të mëdha e të vogla, ka tashmë edhe gjeste të mëdha e të vogla. Interneti dhe rrjetet sociale na kanë lidhur si asnjëherë me njerëzit dhe gjestet e tyre arrijnë të tejkalojnë përmasën e fuqinë e gjesteve shtetërore e zyrtare.”

Të pranishëm në këtë pritje ishin edhe ministrja për Evropën dhe Punët e Jashtme Olta Xhacka, Taulant Balla, deputeti demokrat Ferdinand Xhaferaj, deputetja Jorida Tabaku, ambasadorja amerikane Yuri Kim, ish kreu i demokratëve Lulzim Basha e politikanë të tjerë.

Pas