Media e njohur britanike, BBC Sport ka shkruajtur për Kombëtaren Shqiptare dhe për arritjet, që sipas saj i ka fituar falë trajnerit Sylvinho.
Në momentin kur Shqipëria siguroi kualifikimin në Euro2024, BBC shkruan se kjo arritje i dha Sylvinhos statusin e heroit.
Do të jetë vetëm hera e dytë në historinë e Kuqezinjve që të jenë në Euro2024, pas debutimit në vitin 2016.
“Unë jetoj në një hotel që është rreth 2 km nga ndërtesa e FA, kështu që ndonjëherë kthehem në shtëpi përmes parkut dhe takoj tifozët. Zakonisht vijnë tek unë dhe më thonë “respekte zotëri”, u shpreh Sylvinho.
Ai ka folur për Euro2024, teksa thotë se nuk do të jetë e lehtë në Gjermani.
“Puna jonë nuk ka përfunduar dhe nëse kemi ndonjë shans për t’u avancuar në fazën eliminatore, do të luftojmë për të në të njëjtën mënyrë që bëmë në kualifikuese”, shtoi Sylvinho.
Një nga vendimet e tij të para në krye të Shqipërisë ishte heqja e formacionit 3-5-2 të miratuar nga paraardhësit e tij dhe kalimi në 4-3-3.
“Kishte vetëm një çështje me të cilën ai nuk ishte mësuar në vendin e tij: ai kishte nevojë për një krah të djathtë me këmbën e majtë për ta bërë atë të funksiononte.
Kështu ai dhe stafi i tij u zhytën në bazën e të dhënave të federatës për të kërkuar një lojtar me këto karakteristika, duke dalë me dy emra: njëri prej tyre është 29-vjeçari Jasir Asani, i cili luan në Korenë e Jugut”, shkruan BBC.
Media britanike veçon se përqëndrimi i Sylvinho në punën me kombëtaren është edhe falë familjes së tij që pranoi që të jetonin të ndarë mes Portos në Portugali dhe Tiranës.
Loja agresive sulmuese e aplikuar nga trajneri ka impresionuar tifozët dhe ekspertët më skeptikë. Ndërsa trajneri inkurajon lojtarët e Shqipërisë që të godasin sa më shumë portën kundërshtare.
“Ata me të vërtetë dinë ta godasin topin nga distanca, e kanë atë në vete dhe e duan, kështu që unë i inkurajoj ta bëjnë. Nëse lojtarët mendojnë se kjo është gjëja më e mirë për të bërë, ju lutemi gjuani në portë”./Opinion.al
