Sociale

Bashkia “pret” shiun, qytetarët festojnë sipas mënyrës së tyre


               Publikuar në : 14:58 - 14/03/19 |
b.f

Megjithëse Bashkia shtyu festimet e Ditës së Verës për ditën e diel, qytetarët e Tiranës sot kanë vendosur të festojnë sipas mënyrës së tyre, edhe pa koncerte apo organizime të tjera.

Duke qenë se 14 marsi është pushim zyrtar, qytetarët e kanë shfrytëzuar këtë ditë për të bërë shëtitje e për të kaluar kohë me familjen. Bulevardi Dëshmorët e Kombit, Liqeni Artificial, Pedonalja apo Parku Rinia ishin disa nga destinacionet e preferuara për të bërë ecje apo për të pirë diçka. Ndërkohë shumë tregtarë kanë shitur në rrugët e qytetit ballokumet, ndërsa të tjerët kanë vendosur në dorë veroret.

4 3 2 1
<
>

 

Megjithëse u paralajmërua se do të ishte mot i keq, deri në orën 15:00 në Tiranë nuk ka rënë shi, ndërsa temperaturat kanë qenë normale. Ndërkohë ditën e diel Bashkia e Tiranës ka njoftuar se do të zhvillojë rreth 50 aktivitete, ndërsa festimet do të nisin në 9 të mëngjesit./Opinion.al

Pas