Politikë

Basha tregon vendimin e parë që do të marrë kur të vijë në qeveri


Bëhu pjesë e Grupit Zyrtar të Opinion.al
>> KËTU <<
               Publikuar në : 11:21 - 10/11/20 |
Opi Nion

Kryetari i Partisë Demokratike, Lulzim Basha, në një takim më qytetarët në Lushnje deklaroi se Edi Rama po i kushton Shqipërisë jetë njerëzish. Sipas tij, Rama taksat e shqiptarëve në vend që ti investojë tek shëndetësia i ka transferuar tek miqtë e tij.

“Lekët që ua merr shqiptarëve në vend që të investojë te shëndetësia, këto para i transferon tek miqtë e tij. Nuk po flasim më për bukën e gojës, po flasim për jetët e njerëzve. Edi Rama po i kushton Shqipërisë jetë njerëzish. Kjo vetëm për të mbrojtur aferat e tij korruptive. Një qeveri dhe një kryeministër nuk gjykohen nga llafet. Por gjykohen nga çfarë bën me taksat që u mbledh njerëzve. Ky e ka bërë të qartë edhe në kohën e pandemisë ku gjithë bota është ngritur, ky vazhdon dhe vjedh. Madje e ka shtuar ritmin e vjedhjeve. Ne nuk mund ta pranojmë kurrë këtë” tha Basha.

Gjatë fjalës së tij kryedemokrati u ndal edhe tek vendimi i parë që do të marrë kur të vijë në pushtet. Basha tha se shpenzimet e shqiptarëve nuk do të shkojnë për oligarkët.

“ Vendimi i parë që do të marr është se shpenzimet e shqiptarëve nuk do të shkojnë për oligarkët. 6 javë më parë i kemi dalë me planin tonë. Ja ku kemi ardhur. Në këtë kohë shumë njerëz kanë humbur jetën nga Covid. Në kulmin e pandemisë hapi tendera sekretë. Sepse bleu një maskë me dyfish çmimin që shiteshin në farmaci. Nuk ka më askush iluzione dhe shpresë që ky njeri mund të ndryshojë kurs. Kjo është arsyeja që qytetarët i kanë sytë nga ne”, tha Basha./ Opinion.al

Pas