Kryesore

Basha: Rritja e pagave të mjekëve dhe infermierëve është jetike


Bëhu pjesë e Grupit Zyrtar të Opinion.al
>> KËTU <<
               Publikuar në : 09:51 - 26/08/20 |
Opi Nion

Teksa mjekët dhe infermierët shqiptarë vijojnë luftën me pandeminë COVID-19, kryetari i Partisë Demokratike, Lulzim Basha ka deklaruar se stafet mjekësore duhen të kenë mbrojtje të veçantë nga shteti.

Basha shprehet në postimin e tij në “Facebook”, se rritja e pagave të mjekëve dhe infermierëve është jetike dhe se ajo duhet të jetë reale dhe jo elektorale.

Kryedemokrati ka akuzuar qeverinë se nuk ka investuar në sistemin e shëndetësisë dhe se paratë e taksave të shqiptarëve i ka çuar në koncesione korruptive.

Lideri i opozitës thekson se me ardhjen në pushtet do të anulojë koncesionet korruptive dhe paratë do të përdoren për mbështetje reale për mjekët dhe infermierët, me rritje pagash, me pajisje dhe kushte më të mira për tju shërbyer qytetarëve.

Ai thekson se “me planin tonë ne do të mundësojmë ndryshimin e madh në shëndetësi me paga dinjitoze të niveleve rajonale për ta: 1200 euro për mjekët dhe 700 euro për infermierët.”

Reagimi

Mjekët dhe infermierët tanë kanë nevojë për mbështetje dhe mbrojtje të veçantë nga shteti për shërbimin kolosal që i kanë bërë vendit, në veçanti në këto kohë pandemie. Rritja e pagave të tyre është jetike por ajo duhet të jetë reale dhe jo elektorale.

Shqipëria i ka të gjitha mundësitë për ti trajtuar me dinjitet personelin shëndetësor. Por kjo është e pamundur sa kohë që kemi një qeveri që i çon paratë e taksave të shqiptarëve tek koncesionet korruptive, dhe shpenzimet për shëndetin publik janë më të ulëtat në rajon.

Ne do ti anullojmë koncesionet korruptive dhe paratë do të përdoren për mbështetje reale për mjekët dhe infermierët, me rritje pagash, me pajisje dhe kushte më të mira për tju shërbyer qytetarëve. Me planin tonë ne do të mundësojmë ndryshimin e madh në shëndetësi me paga dinjitoze të niveleve rajonale për ta: 1200 euro për mjekët dhe 700 euro për infermierët.

Kjo qeveri është treguar mosmirënjohëse me mjekët dhe infermierët edhe gjatë pandemisë. Pa asnjë vonesë tjetër, qeveria Rama duhet t’u japë atyre shpërblimin e premtuar prej 1000 euro. Stafet mjekësore janë profesioni më jetik i vendit. Atyre ju detyrohemi vepra dhe jo premtime te pambajtuara./ Opinion.al

Pas