Lulzim Basha deklaroi sot se opozita do ti kërkojë kreut të shtetit Bujar Nishani të mos e dekretojë ligjin e mbetjeve. Gjithashtu 28 deputetë të PD-së do të kërkojnë thirrjen e një referendumi.
Pjesë nga deklarata e Bashës:
• I kërkojmë Presidentit të Republikës mos dekretimin e projektligjit dhe kthimin e tij në Kuvend.
• Do të bëjmë gjithçka që grupi ynë parlamentar ka në dorë për të penguar kalimin e këtij ligji për herë të dytë në Kuvend.
• Ne po shqyrtojmë edhe ushtrimin e të drejtës parlamentare për ti kërkuar Kuvendit që të miratojë një referendum për ndalimin e importit të plehrave. Kërkesë që kërkon nismën e 28 deputetëve dhe pastaj miratimin e Kuvendit.
– Ligji i plehrave nuk vjen për të ringjallur industrinë e falimentuar të riciklimit, por për interesa mafioze të Edi Ramës, Damian Gjiknurit, Arben Ahmetajt dhe mafies ndërkombëtare të plehrave.
– Kryeministri mburret se do ta kalojë vetëm nga porti i Durrësit, po a nuk është porti i Durrësit ku kaloi makina e Emiljano Shullazit e blinduar dhe me armë dhe askush nuk ngriti gishtin. A nuk është porti i Durrësit nga nisen tonelatat e drogës për në BE?!
– Në kushtet e sotme kur qeveria ia ka dorëzuar kontrollin e territorit mafias së drogës dhe kriminelëve me të cilët bashkëqeveris, me kushtet ku ndërtohen pista avionësh, aerodromë droge, është akoma më emergjente ndalimi i këtij ligji.
