Kryedemokrati Lulzim Basha ka treguar pasditen e sotme se pagat e mësuesve, gjatë 8 viteve të qeverisjes së Partisë Socialiste, kanë mbetur në vendnumëro.
Nëpërmjet një fotoje të publikuar në rrjetet sociale Basha ilustron statistikat e rritjes së pagave të mësuesve, në kohën kur Partia Demokratike ka qenë në pushtet (periudha 2005-2013) dhe gjatë qeverisjes së Partisë Socialiste (2013-2021).
Sipas Bashës, gjatë qeverisjes së PD-së, pagat e mësuesve u dyfishua.
Postimi i plotë i Bashës:
Gjatë qeverisjes së Partisë Demokratike pagat e mësuesve u dyfishuan. Gjatë 8 viteve të Ramës ato mbetën vendnumëro. E gjithë Shqipëria ka mbetur vendnumëro prej tij dhe dështimeve të tij në çdo drejtim. Ka ardhur koha që kjo të ndryshojë. Ka ardhur koha për një qeveri që kujdeset për mësuesit dhe për të gjithë qytetarët./Opinion.al
