Basha për Mesila Dodën: Lulzim Basha nuk mban askënd me zor

Largimi nga Partia Demokratike e deputetes Mesila Doda, ka qenë një nga pyetjet e gazetarit Blendi Fezviu kundrejt kreut të PD-së Lulzim Basha. Por cila ishte përgjigja e Bashës? “Znj. Doda ka qenë e lirë të marrë vendimet e saj. Detyra ime ka qenë të krijojë hapësira për për këdo në partia, Themeli është liria. Lulzim Basha nuk mban askënd me zor në parti”. I pyetur nëse ka dështuar me prurjet e reja në Partinë Demokratike, Basha tha “ Përkundrazi”. Ngacmimit të gazetarit nëse “mund të përmendte 3 emra mbresëlënës” Basha iu përgjigj, “Unë mund të them 30 por do u mbetet hatri të tjerëve” Sa për analizën në parti Basha tha se mbaron me 5 nëntor, ku do të ketë vendime për organizimin e partisë.