Kreu i Partisë Demokratike, Lulzim Basha, të enjten ka deklaruar se çështja e kapjes së një sasie rekord prej 613 kg kokainë, është një çështje e ngjashme me Xibrakën.
“Kjo është njësoj si xibraka. Pse është si xibraka. Në Xibrakë operonte një laborator i kokainës. Një fabrikë e kokainës e cila u zbulua nga autoritet e huaja, nga DEA dhe autoritete gjermane. Dhe në momentin që iu dha informacioni autoriteve shqiptare çfarë ndodhi? U kapën vetëm persona të nivelit të dytë dhe të tretë. Bosët e mëdhenj u largua dhe sipas informacioneve të TIMS-it të bëra publike nga zoti Berisha, një nga bosët kryesorë u largua nga qafthana në një automjet të përshtatur për trafikun e kokainës në praninë e vëllait të kryeministrit, Olsi Rama”, – deklaroi Basha.
Basha deklaroi se të dhënat janë publikuar nga ish-kryeministri Sali Berisha në profilin personal në rrjetin social Facebook, TIMS-i, sistemi i regjistrimit kufitar të shtetasve shqiptarë, tregon që në një automjet të përshtatur për trafikun e kokainës, jo vetëm një herë; por pesë herë kanë lëvizur në të njëjtën makinë vëllai i kryeministrit, Olsi Rama një nga personat kryesorë që quhet Gentian Gjonaj.
Blendi Fevziu: Këto janë të deklaruara në Parlament?
Lulzim Basha: Janë publikuar dokumentet edhe në Fecabook, dokumentin e TIMS-it, e keni edhe ju.
Blendi Fevziu: Po e kemi. Po është akuza e Kuvendit?
“Nuk është akuzë, është dokument. Dhe tani çështja qëndron këtu. Çfarë ka ndodhur në Maminas? Kur i kap në mëngjes doli Fatmir Xhafaj me një mesazh në Tëitter, i cili thoshte : Përgëzojmë policinë shqiptare e cila në bashkëpunim me partnerët kapi këtë sasi droge”, – u shpreh Basha.
Sipas tij, menjëherë pas kësaj deklarate, doli kryeministri Edi Rama dhe tha se drogën e kapën institucionet përkatëse të Shqipërisë.
Por, gjashtë orë më vënonë, del përsëri Fatmir Xhafaj dhe deklaron: Po unë i përgëzova partnerët pasi media dhe opozita tha se çështje ko kontraditë midis dy deklaratave.
“Për çfarë arsye del njëri dhe kundërshton tjetrin? Njëri thotë falenderojmë partnerët dhe tjetri thotë e bëmë vetëm ne” dhe pastaj del Fatmir Xhafaj në darkë dhe thotë: Jo kur i falenderova partnerët për bashkëpunimin nuk e kisha fjalën për bashkëpunimin që na dhanë por për bashkëpunim që do të vijë”.
Ndërkaq, ai theksoi se të nesërmen, njëra pas tjetrës, informacionet zyrtare konfirmuan versionin e parë dhe hodhën postë versionin e Edi Ramës.
Video:
