Kreu i Partisë Demokratike, Lulzim Basha, të premten, deklaroi se nuk ekziston asnjë marrëveshje politike me Edi Ramën, pasi synimi i opozitës është jo vetëm largimi i kryeministrit; por edhe vënia para drejtësisë.
I pyetur nga gazetari Arian Çani në “Zonë e Lirë”, për marrëveshjen e 17 Majit, nëse ajo do të vazhdojë apo jo?
Nga ana tjetër, në lidhje me pyetjen në fjalë, Basha tha se ajo ka mbaruar me zgjedhjet e 25 qershorit.
Sipas tij, qëllimi i marrëveshjes ishte që të garantonte që qytetarët të votonin të lirë.
Biseda e plotë:
Çani: Kur të thotë Rama artist si të duket?
Basha: Kthehemi tek diskutimi i vjetër. Pra ai ska argument.
Çani:Të pëlqen apo jo sepse ai është vetë artist.
Basha: Ai nuk është artist. Çfarë e ka gjetut këtë botë nga piktor të dështuar. Kanë ndodhur gjëra të tmerrshme. Janë vrarë miliona njerëz nga një piktor i dështuar.
Çani: Por ka hapur shumë eskpozita të rëndësishme.
Basha: Tani që është bërë kryeministër po. Numëro sa ka bërë para se të ishte politikan.
Çani: Është gjë e mirë që ai politikën po e përdor për pasionin e vet
Basha: Ai politikën po e përdor për tu pasuruar për veten e vetë dhe jo për njerëzit. Nuk e bën për shtet por për para. pasioni i tij është pushteti dhe paraja. Pasioni i tij për pushtetin e shtyu tek krimi dhe bashkë me krimin spo lë gjë pa vjedhur në këtë vend.
Çani: Tani që të jemi të qetë, marrëveshja e 17 majit do vazhdojë apo jo?
Basha: Marrëveshja e 17 majit? Ajo ka mbaruar me zgjedhjet e 25 qershorit. Qëllimi i marrëveshjes ishte që të garantonte që qytetarët të votonin të lirë.
Çani: A do ketë marrëveshje prap?
Basha: Në mënyrën më absolute jo. Objektivi ynë kryesor, i imi dhe i PD është largimi i Edi Ramës jo thjeshtë si kryeministër por çuarja e tij para drejtësisë.
