Aktualitet

Basha ndan detaje nga takimi me amerikanët, zbulon çfarë diskutuan


Bëhu pjesë e Grupit Zyrtar të Opinion.al
>> KËTU <<
               Publikuar në : 08:44 - 15/10/21 |
Opi Nion

Kreu i Partisë Demokratike, Lulzim Basha ka ndarë detaje nga takimi me delegacionin e Kongresit amerikan dhe ambasadoren Yuri Kim në selinë blu. Teksa poston foto nga takimi që u zhvillua të enjten, Basha shkruan se ka ndarë me ta shqetësimin për situatën në Shqipëri, nivelin e lartë të korrupsionit dhe zgjedhjet e 25 prillit dhe lidhjet e  politikës me krimin. Më tej ai thotë se është diskutuar edhe për situatën në Kosovë dhe rajon.

“Kënaqësi të mirëprisja delegacionin e Kongresit amerikan dhe ambasadoren Yuri Kim dhe t’u shprehja mirënjohjen time dhe të PD për mbështetjen e jashtëzakonshme që SHBA i kanë dhënë Kombit shqiptar. Ndava me ta shqetësimin tonë për situatën në Shqipëri, nivelin e lartë të korrupsionit, masakrën zgjedhore dhe lidhjet e politikës me krimin. Diskutuam edhe për situatën në Kosovë dhe rajon. Mbyllja sa më e shpejtë e bisedimeve Kosovë-Serbi me njohjen reciproke, do t’i shërbente paqes dhe stabilitetit në rajon, që sot mbetet i brishtë. Ritheksova se për mua dhe PD, SHBA janë partneri ynë strategjik dhe bashkëpunimi sa më i ngushtë ekonomik, politik dhe në fushën e sigurisë është prioritet kryesor i yni”, shkruan Basha./Opinion.al

Pas