Aktualitet

Basha me ministren austriake: Të qëndrojmë të palëkundur për ndryshimin


Bëhu pjesë e Grupit Zyrtar të Opinion.al
>> KËTU <<
               Publikuar në : 16:30 - 06/05/21 |
Opi Nion

Kryetari i Partisë Demokratike, Lulzim Basha u takua ditën e sotme me ministren austriake të BE dhe Kushtetutës, Karoline Edstadler, të cilën e falenderoi për ndihmën që Austria i ka dhënë dhe po i jep Shqipërisë në procesin e integrimit në BE.

Bëhet me dije se fushata elektorale e 25 prillit ishte tema qendrore e bisedës mes palëve. Bëhet me dije se Basha i tha ministres austriake se një nga shkeljet e rënda të procesit të 25 prillit ishte “Fushata e tjetërsimit të vullnetit të zgjedhësve që drejtua nga qeveria në bashkepunim me persona që janë nën hetim për bashkëpunim me krimin e organizuar, dhe personave në listën e zezë të SHBA apo dhe tek familjarë të personave që u nxorrën jashtë nga ligji i dekriminalizimit dhe që sot janë pjesë e listës së deputetëve të PS”.

Ndër të tjera Basha i listoi Karoline Edstadler të gjitha shkeljet gjatë procesit të votimit më 25 prill.

“Manipulimet masive që i janë bërë procesit zgjedhor, përmes shitblerjes së votës, përdorimit të personave me precedentë kriminal, përdorimit të paligjshëm të administratës, vjedhjes dhe përdorimit kriminal të të dhënave personale të shtetasve nga PS, përdorimit të paligjshëm, masiv dhe sistematik të parave të buxhetit të shtetit për tjetërsimin e vullnetit të qytetarëve, punësime masive te paligjshme me kontrata të përkohshme në sektorin publik si dhe përdorimin e legalizimeve për vota- ishin disa prej krimeve zgjedhore që çuan në tjetërsimin e vullnetit të shqiptarëve”.

Gjatë takimit, kryetari demokrat e njohu ministren austriake dhe me faktin që PD dhe kandidatët e saj kanë depozituar në SPAK dhe në prokuroritë e rretheve rreth 180 kallëzime, për të cilat deri më sot nuk knpatur asnjë reagim./ Opinion.al

Pas