Kryesore

Basha: Kush minon garancitë për standartet nuk do zgjedhje demokratike


Bëhu pjesë e Grupit Zyrtar të Opinion.al
>> KËTU <<
               Publikuar në : 09:44 - 30/05/20 |
Al Do

Kreu i opozitës, Lulzim Basha thotë se ata janë të vedosur për të dhënë kontributin e tyre për zgjedhje të lira dhe të ndershme.

Në një postim në Twitter, Basha ka ndarë një mesazh të ambasadorit të BE, Luigi Soreca i cili kërkon një qëndrim konstruktiv nga të gjitha palët për të bërë progres që të arrihet një marrëveshje për Reformën Zgjedhore brenda 31 Majit.

Kreu i demokratëve shkruan se kushdo që minon garancitë për standartet zgjedhore nuk do zgjedhje demokratike dhe as integrimin europian të Shqipërisë.

Kujtojmë se në tryezën e Reformës Zgjedhore, opozita ka kërkuar që identifikimi biometrik i zgjedhësve të shtrihet në të  gjithë qendrat zgjedhore pasi sipas tyre kjo është një garanci për të mos manipuluar procesin me vota fiktive. Mazhoranca nga ana tjetër thotë se për këtë nuk ka kohë dhe propozon që teknologjia të përdoret vetëm në disa qendra zgjedhore.

Një nga pikat e tjera që opozita ka nënvizuar si garanci për procesin është një qeveri tranzitore 100 ditë para zgjedhjeve dhe ndërrimi i Drejtorit të Përgjithshëm të Policisë së Shtetit në të njejtën periudhë.

Ata kanë propozuar gjithashtu që Gjykata Kushtetuese të jetë organi i apelimit të pretendimeve të partive për procesin duke zëvendësuar kështu Kolegjin Zgjedhor. /Opinion.al

Pas