Kreu i grupit parlamentar socialist, Taulant Balla akuzoi kreun e PD-së si të lidhur me kompanisë Victoria Invest që ka fituar tenderin për ndërtimin e aksit të Unazës së Re. Balla si kumbar të Bashës pronarin e kompanisë, duke përmendur emrin e vajzës së tij, Victoria.
Por, kreu i PD-së, iu përgjigj me një gjuhë jo etike për sallën e Parlamentit të Shqipërisë, duke theksuar se si prind, duhet t’i fusja një grusht Taulant Ballës, por u ndal pasi të “prekësh mu*in, bëhesh vetë pis”.
Për këtë shprehje, Basha kërkoi falje në rrjetet sociale.
Debati në Parlament:
Balla: Njëri prej banorëve të Astirit, erdhi dje dhe na tha se Lulzimi na vjen përditë në protestë me makinën e pronarit të kompanisë së tenderit të Unazës. Sa ka mundësi Lulzim që u shkon banorëve të Astirit. Merre dosjen, kjo është dosja e makinës që ti shkon tek protesta tek Astiri. Po deshe është e kompanisë Victoria Invest që u shkon banorëve të Astirit. Bufa na di ne që nuk e dimë lidhjen tënde Victoria invest? Nuk e dimë ne që njëra nga vajzat e tua e ka emrin Viktoria?
Unë mendoj që sot ne jemi të gjithë të gatshëm që draftin e përgatitur nga ekspertët më të mirë shqiptarë. Mos dilni e thoni që Ilir Rusmajli dhe Viktor Gumi janë ekspertë të kapur nga ne. Pa fund ndeshje futbolli ke parë me Ritvanin dhe i sheh. Edhe ti je dakord që Ritvani i bën mirë Bankës së Shqipërisë, sikurse edhe zonja përfaqësuese nga LSI. Ne me të vërtetë jemi për bashkëqeverisje. Jo me ju por me studentët. Luli, bëhu burrë dhe merre këtë që të sqarosh banorët e Astirit. Mos u shko më me makinën e Firmës.
Basha: Instikti i parë është instikti i prindit dhe për atë që bëre këtu, instikti i parë ishte të të fusja një grusht, por u ndala nga dy gjëra. E para e punës, që të prekësh m… bëhesh vetë pis.
E dyta, nuk do të arrija dot t’u përcillja qytetarëve 3 pika.
A kuptuan gjë ju pse nuk e votojnë vetingun? Ky thotë ndërhyn me reformën në drejtësi. Ku ndërhyn?! Nuk ndërhyn fare me reformën në drejtësi, as nuk e ngadalëson, as nuk e shpejton, as nuk e pengon reformën në drejtësi. Është proces komplet paralel.
Vetingu është më i madh se hetimi, sepse vetingu i largon politikanët nga politika edhe pa provuar që kanë bërë një vepër penale sa kohë provon afërsinë e tyre me krimin dhe sa kohë ata nuk e justifikojnë pasurinë.
Ky thotë jo, na lini në politikë derisa të na çojë në burg SPAK-u. Pra na lini në politikë që ta kapim SPAK-un.
Pra është fare e qartë. Sot ndahet shapi nga sheqeri dhe nuk ka kovë me m.. si parafolësi që ta ndryshojë këtë.
O e doni vetingun në politikë që të pastroheni nga kovat dhe kryekova ose përndryshe e kuptojnë shqiptarët fare qartë se çfarë keni në bark.
Nuk e do vetingun Balla sepse e ka deklaruar publikisht miqësinë me një të dënuar i cili më pas ka shkelur ligjin për shkak të kësaj miqësie. Pra është i pari që digjet nga vetingu në politikë e kështu me radhë të gjithë duke përfshirë këtë këtu (Ramën). Mjaftojnë tabulatet për të parë se ky (Rama) është çdo ditë në kontakt me krimin e organizuar.
Gjetët simbolin e atij që e largon vetingu nga politika për ti thënë shqiptarëve pse nuk e doni vetingun në politikë!
Shqiptarët mund të jenë të painformuar, shqiptarët mund të jenë rënduar nga propaganda që villni ditë për ditë, por shqiptarët nuk janë budallenj!
Sot, tani, për pak minuta ndahet: ata që duan ta pastrojnë politikën nga politikanët e lidhur me krimin dhe që nuk justifikojnë pasurinë dhe politikanët e lidhur me krimin të cilët do të votojnë kundër e do të marrin edhe ata pak deputetë socialistë që nuk janë anëtarë të organizatës kriminale të rilindjes.
Shikoni dhe mbani vesh. Vota tani do ta ndajë dhe pas kësaj padyshim shqiptarët do të duhet të marrin vendime të mëdha sepse prej atij momenti ky parlament ka humbur shansin për të pastruar politikën me mjete institucionale. Ajo që mbetet pas është vetëm në dorë të qytetarëve.
Këtë, në kuadër të shpifjeve që je dënuar, unë s’kam ndërmend që gjyqtarëve dhe prokurorëve tu çoj një tjetër shpifje totale. Automjeti im prej 6 vitesh është në lease nga kompania Mektrin, kompani shumë e mirë meqë më dhe rastin ti bëj reklamë dhe në dijeninë time është një kompani që nuk është as e ndonjë oligarku, as ndonjë banditi, është e një durrsaku të ndershëm. 6 vite me lease nga Kompania Mektrin o mashtrues i certifikuar!
