Aktualitet

Basha akuza Ramës: Fryhet si gjeli në majë të koncesioneve korruptive


Bëhu pjesë e Grupit Zyrtar të Opinion.al
>> KËTU <<
               Publikuar në : 11:01 - 07/10/21 |
Opi Nion

Gjatë fjalës së tij në Kuvendin e Shqipërisë, kreu i PD-së, Lulzim Basha ka hedhur akuza në drejtim qeverisë duke thënë se për interesat e një grushti të vogël njerëzit ka shkatërruar interesat e qytetarëve.

Teksa foli për deklaratën e Ramës të së dielës për krizën energjitike, Basha iu drejtua Ramës duke i thënë se: Fryhet si gjeli në majë të koncesioneve korruptive.

“Në vend që të kërkojë ndjesë për jetët e humbura, për papërgjegjshmërinë, për keqqmenaxhimin, për braktisjen e interesit publik me qëllim shërbimin e interesave të një grushti të njerëzish, një grushti që u pasurua dhe në kohë pandemie, fryhen si sot në nisje të seancës ashtu dhe të të dielën si gjeli në majë të koncesioneve korruptive.

E ndërkohë që në disa vende europiane, përfaqësuesit e qeverive dolën për të shpjeguar masat në mbrojtje të konsumatorëve, për atë që po ndodhë apo pritet të ndodhë në tregjet ndërkombëtare, gogoli i 8 viteve doli për të trembur qytetarët, tellalli i të keqes doli për ti rënë daulleve të panikut dhe të justifikimit për mprehjen e sëpatës që po lëshon sërish në qafën e drobitur të shqiptarëve dhe buxheteve të tyre familjare.

Po cila ishte nevoja që ky të dilte si monoguf, në një zyrë të dekoruar shtrenjtë, me taksat e atyre që po u parashikonte kataklizmën apo fundit e botës, për të përcjell një ngjarje të tregjeve ndërkombëtare që mund ta prek pak ose aspak shqiptarët, të cilët siç e dimë të gjithë kanë tetë vite që po lenë qimet e kokës me karburantin dhe energjinë e shtrenjtuar po nga ky?

Përgjigjja është e thjeshtë, dhe jam i sigurt që tashmë e kanë kuptuar të gjithë, i lypset një krizë për të mbuluar dështimin, keqqmenaxhimin dhe korrupsionin e pakicës që drejton me vota të vjedhura të masakrës zgjedhore”, tha Basha./Opinion.al

Pas