Politikë

Bardhi nxjerr videon e Ramës:Premtoi pagat në Mars, nuk dha asnjë qindarkë


               Publikuar në : 15:23 - 04/04/20 |
el ida

Sekretari i përgjithshëm i Partisë Demokratike, Gazment Bardhi, publikoi videon e kryeministrit Rama më 17 Mars, dhe e akuzoi se nuk iu ka paguar ende pagat e muajit mars punonjësve që qëndruan në shtëpi për shkak të koronavirusit.

Në një postim në faqen e tij në Facebook, Bardhi deklaroi se Rama la jashtë paketës së ndihmës financiare më shumë se gjysmën e familjeve.

Ai po ashtu theksoi se mijëra pensionistë familje në nevojë janë braktisur nga kryeministri Rama, duke i lënë në kufijtë e mbijetesës.

Në fund të postimit, Bardhi tha se “ekonomia e vendit nuk mbahet në këmbë me mashtrime dhe propagandë.”

Postimi i plotë

Më 17 mars Edi Rama u premtoi shqiptarëve se “NUK DO TË VIJË FUNDI I MUAJIT PA PAGËN E GJITHKUJT NDËR JU QË QËNDRON NË SHTËPI SI PASOJË E MBYLLJES SË BIZNESIT KU PUNON!”.

E vërteta është se Edi Rama i ka gënjyer dhe braktisur qytetarët. Ai kapet çdo ditë në flagrancë duke gënjyer shqiptarët.

1. Premtoi se gjithkush do të kenë pagesën në fund të muajit mars për bizneset e mbyllura, por marsi kaloi dhe ai nuk dha asnjë qindarkë.

2. Premtoi se askush nuk do të mbetet pa ndihmë financiare, por la jashtë paketes së ndihmës mijëra biznese dhe qindra mijë kryefamiljarë dhe qytetarë në nevojë.

3. Premtoi ndihmë me ushqime e ilaçe për të gjitha familjet në nevojë dhe pensionistët, por ka braktisur mijëra famije e pensionistë, që janë në kufinjtë e mbijetesës.

Ekonomia e familjeve të papuna dhe ekonomia e vendit nuk mbahet në këmbë me mashtrime dhe propagandë. Shqiptarët meritojnë një paketë reale të ndihmës financiare, që nuk përjashton askënd./Opinion.al

Pas