Kryesore

Bardhi e paditi në SPAK për falsifikim vule/Këlliçi: S’ma bën syri tërr


Bëhu pjesë e Grupit Zyrtar të Opinion.al
>> KËTU <<
               Publikuar në : 13:46 - 13/12/21 |
Opi Nion

Belind Këlliçi ka reaguar pasi është kallëzuar në SPAK nga Partia Demokratike për falsifikim të vulës.

Përmes një reagimi në rrjetin social “Facebook”, Këlliçi thotë se ndaj tij janë depozituar plot 11 padi në SPAK dhe se për këtë të radhës të bërë nga Bardhi, nuk i bën syri tërr.

Ndër të tjera ai i drejtohet Bardhit dhe Bashës duke iu thënë se janë shkarkuar nga funksionet që kanë nga Kuvendi Kombëtar i 11 dhjetorit.

Nga viti 2015 kur u zgjodha kryetar i FRPD, bashkë me qindra demokratë të tjerë, kemi provuar në kurriz qelitë, gazin lotsjellës dhe dhunën policore. Është bërë gjithçka për të na asgjësuar si Parti Demokratike.

Ndaj meje janë depozituar 11 padi në SPAK nga Erion Veliaj, Ardian Çela, Mirel Mërtiri dhe gjithë fijet e tjera të pushtetit okult të Edi Ramës. Sot m’u shtua edhe një, nga Gazment Bardhi!

Zoti Bardhi!

Ju dhe ish kryetari ynë jeni shkarkuar nga funksionet tuaja nga Kuvendi Kombëtar i Partisë Demokratike më 11 dhjetor 2021.

Me padinë tënde të porositur s’ma bën syri tërr.

Ju sugjeroj të përdorni si dalje nga selia derën e FRPD-së, në anën perëndimore të godinës.

Rroftë Partia Demokratike e Shqipërisë! Parti sovrane e demokratëve të lirë!”-shkruan Këlliçi në reagimin e tij.

Pas