Deputeti i Partisë Demokratike, Gazment Bardhi ka folur nga foltorja e Kuvendit për çështjen e investitorëve strategjik dhe iu referua edhe rastit të bashkëshortit të ministres Olta Xhaçka.
Bardhi hodhi akuza të tjera mbi bashkëshortin e ministres. Në Kuvend ai denoncoi faktin se bashkëshorti i ministres Olta Xhaçka ka përfituar nga paga e luftës e dhënë nga qeveria në periudhën e pandemisë.
Bardhi tha se bashkëshorti i Xhaçkës ka deklaruar se ishte i papunë në kohën e pandemisë dhe për këtë ka përfituar pagën e luftës 400 mijë lekë të vjetra.
“Të ardhurat e vetme që deklarojnë janë pagat dhe pensioni suplementar që merr bashkëshorti si ish deputet, qiraja e bashkëshortit për një objekt të dhënë dhe më e bukura e sini kush është?
Investitori strategjik është bërë dikush që ka përfituar pagë lufte si shtresë në nevojë. Kjo është deklarata e pasurisë që bashkëshortit të ministres, që deklaron se ka marrë pagë lufte 400 mijë lekë në periudhën e Covid-it. Ky është investitori strategjik. Pra, deklaron se është i papunë dhe si shtresë në nevojë ka marrë 400 mijë lekë të vjetra në periudhën e Covid-it. Vetëm në qeverinë e Edi Ramës, të jesh shtresë në nevojë dhe të marrësh pagë lufte dhe të nesërmen të bëhesh investitor strategjik, që ke kapacitet financiar 5.5 milionë euro”,-tha Bardhi në Kuvend./Opinion.al
