Sport

Barcelonë-Real Madrid, protestat në Katalonjë mund të shtyjnë “El Clasico”


               Publikuar në : 17:13 - 17/10/19 |
Opi Nion

Protestat të cilat po zhvillohen ditët e fundit në Katalonjë, mund të shtyjnë “El Clasico” e futbollit, Barcelona-Real Madrid.

Kjo ndeshje mund mos luhet fundjavën e ardhshme, në datën 26 tetor. Federata spanjolle e futbollit ka kërkuar shtyrjen e supersfidës për shkak të tensioneve që kanë përfshirë Katalonjën me protestat kundër dënimit të liderëve separatistë.

Por, kjo kërkesë nuk është pranuar nga të dyja klubet, të cilat kanë deklaruar se ndeshja duhet të luhet më 26 tetor. Por, pas refuzimit të klubeve, ekziston rreziku që kjo ndeshje mund të përshkallëzoj protestat në vend.

Më 26 tetor në fakt, është programuar një manifestim i separatistëve në kuadër të kauzës së tyre. Sipas “Marka” dhe “El Mundo Deportivo” data më e mundshme për zhvillimin e El Clasico, në rast shtyrje është 18 dhjetori./ Opinion.al E.Xh.

Pas