Aktualitet

Balluku-furnizuesve të naftës: Gjobë, nëse s’deklaroni sasinë e karburantit


Bëhu pjesë e Grupit Zyrtar të Opinion.al
>> KËTU <<
               Publikuar në : 10:04 - 11/03/22 |
Opi Nion

Pas protestave të qytetarëve, qeveria ka nisur të marrë masat e para për të ndaluar abuzimin me çmimin e karburantit.

Ministrja e Infrastrukturës dhe Energjetikës, Belinda Balluku tha gjatë takimit me furnizuesit e karburantit se Bordi Kombëtar do të nisë kontrollet në terren për të mësuar rezervat e naftës për secilin furnitor.

Po ashtu ministrja iu kujtoi furnizuesve dhe gjobat, që sipas saj vlera e masës administrative do të jetë deri në 50% të vlerës së sasisë së produktit që mungon nga kuota.

“Duhet të diskutojmë sot sa i përket rezervave të sigurisë që bazohen në VKM 808 të vitit 2004. Kjo VKM shpjegon dhe momentin kur gjykohet që kemi një krizë, dhe sot ndodhemi para saj. VKM sanksionon qartë se nuk bëhet fjalë për momentet kur ka mungesë të produktit, por dhe për çmimet përmes asaj që tregu është mësuar të operojë. Është e nevojshme që të shohim në sy njëri-tjetrin dhe të flasim qartë se çfarë kërkon qeveria nga ju. Duam që të përmbushen rezervat faktike, që dalin nga ministria e Infrastrukturës. Ministria i ka të gjitha të dhënat, që na dorëzon nga doganat dhe tatimet. Janë të qarta dhe transparente rezervat e sigurisë që secili prej jush duhet të mbajë. Rafineritë janë të detyruara të mbajnë rezerva. Kategoritë e naftës dhe të gazit, për të cilat do të mbahen këto rezerva sigurie, janë gaz bruto, lëndë djegëse, solar, etj. Rafineritë e naftës janë të detyruara të mbajnë rezerva sigurie me 90 ditë të barabarta shitje. Sasia e rezervës së sigurisë për vitin pasardhës përcakton me urdhër të ministrisë përgjegjëse. Kështu që bordi që kryeministri përmendi, që do të ngrihet për të menaxhuar në bazë ditore çmimin e naftës do të ketë dhe një detyrë tjetër. Ju bëj me dije se do të nisim kontroll në teren për të parë gjendjen faktike të naftës. Do të ishte e udhës që nga ju të deklaroni gatishmërinë e rezervës që ju mbani. Duhet të jetë e barasvlefshme me atë që mban VKM. Detyrimet dhe sanksionet besoj i dini, por është një rikujtesë. Rafineritë e naftës, rezervën e sigurisë mund ta mbajnë dhe në formën e naftës bruto. Këtu cilësoj për rezerva që duhen mbajtur brenda vendit. Shoqëria e tregtimit e mban në rezervuar të pronës së saj. Kjo na tregon ne dhe verifikon që këto depozita janë nën administrimin tuaj. Sasia varet, jo më pak se 30% në depozitat e subjekteve. Masa e gjobës është deri në 50% të vlerës së sasisë së produktit që mungon nga kuota.”, tha Balluku./ Opinion.al

Pas